Izena eman More information
2019/01/27 10:00:00

Berriak

Ayalew eta Jepkemei, Hipodromoan garaile

Ayalew eta Jepkemei, Hipodromoan garaile

Gehiago ikusi

Donostiako Nazioarteko Kroseko irabazleak izan dira gaur goizean

Lokatza, hotza, eguzkia eta espektakulu bikaina. Horrela laburbildu daiteke gaur goizean bizitako Donostiako Nazioarteko Krosaren 63.edizioa. Bareingo Ayalew-ek, mutiletan, eta Keniako Jepmeik, emakumezkoen artean, garaipena lortu dute. Emakumezkoen lasterketan afrikarrek lehen metrotik aurrera erritmo gogorra ezarri dute. Lugueros, Urbina eta Pérez atzetik joan dira. Jebet-ek, faborito nagusia zen atletak, lokatzarekin arazoak izan ditu eta lurrera erori da bat baino gehiagotan. Horren ondorioz, Jepkemeik metro batzuk hartu ditu eta Tanuiren aurretik garaipena lortu du. Urbinak Carmen Valero saria irabazi du eta Ainhoa Sanz-ek Belen Azpeitia saria.

Mutilen artean, Kamboi Arikanek lasterketa burua hartu du. Ayalew atzean gelditu da hasieran, baina, azkartasun osoz buelta eman dio egoera horri eta Haji, Fifa eta Arikanekin joan da garaipenaren bila. Azkenean, Bareingo atletak lortu du sari nagusia. Haji izan da bigarrena helmugan eta Fifa hirugarrena. Fifak, gainera, Mariano Haro saria irabazi du eta Ander Sagarzazuk Jose Miguel Maiz saria.

EMAITZAK

http://www.youtube.com/embed/tIHNp9rJvxs
http://www.krosdonostia.com/sites/default/files/styles/galeria/public/i37.jpg?itok=Xi8uV4BC http://www.krosdonostia.com/sites/default/files/i37.jpg http://www.krosdonostia.com/sites/default/files/styles/galeria/public/i26_0.jpg?itok=H7Gmv8mT http://www.krosdonostia.com/sites/default/files/i26_0.jpg
Lokatza, atleten zain

Lokatza, atleten zain

Gehiago ikusi

Azken egunetan euria protagonista izan da Donostian eta ibilbidea egoera bikainean dago maila handiko krosa ikusteko

Euria protagonista izan da azken egunetan zehar Gipuzkoa osoan zehar. Eta noski, baita Donostiako Hipodromoan. Beraz, ibilbidea egoera bikainean dago benetako krosa ikusteko bihar goizean. Gainera, biharko aurreikuspena ona da: eguzkia eta tenperatura hotzak.

Donostiako Nazioarteko Krosaren 63. edizioak, gainera, maila handiko atletak izango ditu. Emakumezkoen artean (12:30etan), garaipena lortzeko faborito nagusia Ruth Jebet da (Rion urrezko domina lortu zuen eta 3.000 metro oztopoetan munduko errekorraren jabe da). Espainiako atleten artean, Nuria Lugueros egongo da, aurtengo errebelazioa.

Gizonezkoen lasterketan (13:15etan), faborito nagusia Awake Ayalew da. Baina, kontu handiarekin egon beharko da. Beste maila handiko atletak egongo dira lokatzan korri egiten: Polat Kemboi Arikan, Yasin Haji, Daniel Mateo, Carlos Mayo, Ilias Fifa…

Laburbilduz, espektakulu polita ikusiko da bihar goizean Donostiako Hipodromoan.

Dortsal garrantzitsuenak:

EMAKUMEAK
1 Ruth Jebet (Bahrein)
2 Daisy Jepkemei (Kenia)
3 Norah Tanui (Kenia)
4 Cavaline Nahimana (Burundi)
5 Teresa Urbina
6 María José Pérez
7 Lidia Campo
8 Nuria Lugueros
9 Susana Arrua
10 Patricia Cabedo
 
GIZONAK
1 Awake Ayalew (Bahrein)
2 Polat Kemboi Arikan (Turkia)
3 Yasin Haji (Etiopia)
4 Daniel Mateo 
5 Carlos Mayo
6 Ilias Fifa
7 Fernando Carro
8 Miguel Barzola
http://www.krosdonostia.com/sites/default/files/styles/galeria/public/lokatza.jpg?itok=jdo_cLA2 http://www.krosdonostia.com/sites/default/files/lokatza.jpg
Maila handiko atletak, igandean Donostiako Nazioarteko Krosean

Maila handiko atletak, igandean Donostiako Nazioarteko Krosean

Gehiago ikusi

Hipodromoan Rion urrea lortu zuen atleta bat egongo da, eta baita hiru munduko zein Europako txapeldun

Maila handiko atletek parte hartuko dute igandean Donostiako Nazioarteko Krosean. 63. edizioa aurkeztua izan da gaur Gipuzkoako hiriburuko udaletxean eta Rioko Joko Olinpikoetan urrea lortu zuen emakume bat egongo da lokatzan. Horretaz gain, Munduko hiru txapeldun eta Europako beste hiru.

“Erraza da esatea, baina, erreferentzia den kros honek 63 edizio beteko ditu igandean”, aipatu du Martin Ibabek, Donostiako Kirol zinegotziak. “Lan asko egin dugu aurten, eta hurrengo urtean gehiago egingo dugu maila geroz eta handiagoa izan dadin”, jarraitu du Ibabek. Prentsaurrekoan Jesus Gutierrezek (Foru Aldundiko Kirol teknikaria), Luis Miguel Garcíak (BMW Lurauto), Amaia Andresek (GAF-eko lehendakaria), Mikel Huartek (Fly Group) eta Txema Garayk (Club Vasco de Camping) izan dute hitza. Denek ikusiko den maila altua nabarmendu dute.

Maila handiko atleten artean, garrantzitsuena Ruth Jebet izango da. Elgoibarren irabazi zuen orain dela hamar egun, eta Rion urrea lortzeaz gain, 3.000 metro oztopoetan munduko errekorra du atleta honek. Daisy Jepkemei, Norah Tanui, Cavaline Nahimana, Teresa Urbina eta Maria Jose Perez ere emakumezkoen lasterketaren irteeran egongo dira.

Gizonezkoen artean, Awake Ayalew (orain dela bi urte Elgoibarren bigarren postua lortu zuen eta Italican irabazi zuen) izango da faboritoa. Hiru aldiz Europako txapeldun izan den Polat Kemboi Arikan turkiarrak ez dizkio gauzak errez jarriko. Yasin Haji, Ilias Fifa, Daniel Mateo, Carlos Mayo, Fernando Carro… ere egongo dira irteeran.

Probak, goizeko 10:00etan hasiko dira Hipodromoan. Eta 12:30etan iritsiko da nazioarteko lehen lasterketa ikusteko aukera. Bertan, Gipuzkoako tituluak erabakiko dira.

Sarrerak

Robers-en eta GAF-en daude salgai sarrerak 6€-ko salneurrian. Eta igandean bertan, txartel-leihatilan 10€-ko salneurria izango dute sarrerek. Donostiako herritartasun txartela aurkeztuz, %50-ko deskontua.

https://www.youtube.com/embed/XuYbw2Vfmt4
http://www.krosdonostia.com/sites/default/files/styles/galeria/public/udaletxean.jpg?itok=g3L4JFyO http://www.krosdonostia.com/sites/default/files/udaletxean.jpg
%50eko deskontua

%50eko deskontua

Gehiago ikusi

Kirol Txartelako harpidedunek Donostiako nazioarteko Krosa ikusteko sarreren prezioan %50eko deskontua izango dute

Donostiako nazioarteko Krosaren antolatzaileak eta Donostia Kirolak adostu dutenaren arabera, urtarrilak 28, igandea, ospatuko den proba garrantzitsu honetarako sarreretan %50eko deskontua izango dute Kirol Txartelako harpidetza duten pertsona guztiek Donostia Kirola-ko harpidedunek, bere Kirol Txartelarekin, Hipodromo txartel-leihatilan bost euroko truken bere sarrera erosi ahal izango dute (igandean bertan) eta hirian antolatzen den kirol ikuskizun garrantzitsuenetarikoaz gozatzeko.

Hipodromoko pistetan lehen mailako atletak arituko dira, eta bereziki Ruth Jeber, 3.000 metro oztopoak proban txapeldun olinpikoa eta munduko plusmarkista.

http://www.krosdonostia.com/sites/default/files/styles/galeria/public/htxartela.jpg?itok=kUSJVM3U http://www.krosdonostia.com/sites/default/files/htxartela.jpg
Sarrerak salgai!

Sarrerak salgai!

Gehiago ikusi

Robers dendan edo Gipuzkoako Atletismo Federazioan erosi daitezke jada sei euroko salneurrian; Krosaren egunean, 10 euroko salneurria izango dute

Gutxi falta da Donostiako Nazioarteko Krosa ospatzeko! Kros garrantzitsu hau hilaren 28an ospatuko da Donostiako Hipodromoan.

Sarrerak salgai daude jada Robers dendan eta Gipuzkoako Atletismo Federazioan. Sei euroko salneurria dute sarrerek. Txapelketaren egunean, hamar euroko salneurria izango dute.

Etor zaitez kros eder hau ikustera!

http://www.krosdonostia.com/sites/default/files/styles/galeria/public/salgai.jpg?itok=VfLJpAOn http://www.krosdonostia.com/sites/default/files/salgai.jpg http://www.krosdonostia.com/sites/default/files/styles/galeria/public/salgaib.jpg?itok=Dlqo5qa6 http://www.krosdonostia.com/sites/default/files/salgaib.jpg
Bideoa ikusi

1955eko maiatzaren 19an Nazioen Krosa ospatu zen Lasarten. Gordon Pirie zen faborito baina gripe bat zela eta ohean geratu zen eta ezin izan zuen lasterketan parte hartu. Frank Sando ingelesa izan zen lehenengoa helmugara iristen. English Cross Country Union-en sekretarioak Mr. Richardson-ek, Gipuzkoako Atletismo Federakuntzari urtero Kros froga bat antolatzeko zirikatu zien eta honela hasi zen Donostiako Nazioarteko Krosa. Lehenengo edizioan, nafarroako Lucas Larraza parte hartu zuen. Lehen kilometroa 2m. 46segundutan burutu zuen baina ezin izan zuen lasterketa irabazi, pott egin bait zuen. Txikito de Arruiz lasterkari euskaldun hospetsua 1958. urtean parte hartu nahi izan zuen baina I.A.A.F.-k azterketa medikoa eta gero, espainiar afizionatuetan bakarrik parte hartzera baimendu zuten. Emil Zatopek irabazlearekin indarrak neurtu nahi zituen baina ez zioten utzi. Tramite asuntua izan zen, kirol asuntua baino. 
1. Donostiako Nazioarteko Krosa, 1956. urtarrilak 29an izan zen. Antolakuntza, Willy Koch zuzendutako afizionatu talde batek egin zuen. D. Jose Ignacio Imaz, Gipuzkoako Atletismo Federakuntzako lehendakariak, Pancho Gomez eta "La Voz de España" aldizkariak egin zuten gestioa. Gaur, ia 60 urte geroago, munduko krosik garrantzitsuena izatera iritsi da. 

Emakumezkoen Krosa, 1971etik aurrera burutzen da. Belen Azpeitia, 1973 eta 1975an bigarren geratu zen, Annie van de Kerkohf en aurka. 2.200 metrotan 8´04"8 ko marka egin zuen Belen-ek eta 8´02" 4 Annie-k.v Bernardo ANAUT.

DESKARGATU PALMARESA